Ferill 332. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 601 — 332. mál.
Svar
innviðaráðherra við fyrirspurn frá Teiti Birni Einarssyni um Súðavíkurhlíð.
1. Hve oft hefur verið ófært milli Ísafjarðar og Súðavíkur (og þar af leiðandi milli Ísafjarðar og Reykjavíkur) á ári sökum tafa eða lokana á Súðavíkurhlíð síðastliðin tíu ár?
Í töflu að aftan er sýnt hversu oft hefur verið ófært milli Ísafjarðar og Súðavíkur á ári sökum lokana á Súðavíkurhlíð undanfarin tíu ár.
Ár | Dagar | Klukkustundir |
2012 | 12 | 165 |
2013 | 7 | 111 |
2014 | 6 | 58 |
2015 | 15 | 140 |
2016 | 6 | 75 |
2017 | 4 | 36 |
2018 | 11 | 108 |
2019 | 3 | 26 |
2020 | 28 | 329 |
2021 | 6 | 80 |
2022 | 17 | 181 |
2. Hvað hefur Vegagerðin og eftir atvikum hlutaðeigandi sveitarfélög, Ísafjarðarbær og Súðavíkurhreppur, ráðstafað miklum fjármunum í viðhald, viðbætur og mokstur á veginum við Súðavíkurhlíð til að halda honum ökufærum á síðastliðnum tíu árum?
Kostnaður Vegagerðarinnar vegna viðhalds, viðbóta og moksturs á veginum við Súðavíkurhlíð er sem segir í töflu að aftan. Ekki er talinn kostnaður við holuviðgerðir og annað minna viðhald sem er ekki skipt eftir vegarköflum.
Verkefni | Tímabil | Heildarkostnaður |
Snjóflóðavarnir | 2016–2019 | 199 millj. kr. |
Styrkingar (sementsfestun) | 2013 | 91 millj. kr. |
Snjóflóðavarnir | 2022 | 34 millj. kr. |
Viðhald slitlaga, kafli 61–38 | 2013–2023 | 33 millj. kr. |
Vetrarþjónusta * | 2010–2022 | 117 millj. kr. |
Samtals | 474 millj. kr. | |
* Vetrarþjónusta er áætluð þar sem Súðavík–Bolungarvík er einn kafli í þjónustu og allur kostnaður bókast á sama viðfang, þ.e.a.s. á allan kaflann. |
Vegurinn flokkast sem þjóðvegur og er veghald hans því á forræði Vegagerðarinnar. Sveitarfélögin Ísafjarðarbær og Súðavíkurhreppur hafa ekki ráðstafað sérstökum fjármunum í viðhald, viðbætur og mokstur á veginum.